The Viral | Ghughri | 22 November 2025
Government Model Higher Secondary School Ghughri mein Vikas Khand Stariya Vigyan Pradarshani ka safal aayojan 21 November ko kiya gaya.
Is pradarshani ka mukhya uddeshya logon mein phele hue bhram, mithak aur andhvishwas ko door karna aur scientific thinking ko badhava dena tha.
Scientific Approach Par Zor
Program ke dauran yeh sandesh diya gaya ki log jin cheezon ko aksar jadoo samajh lete hain, wo asal mein scientific principles, chemical reactions aur physical laws par adharit hoti hain — kisi imaginary shakti par nahi.
Sanskritik Ritiyo ke Saath Shuruaat
Event ki shuruaat Maa Sharda ki pooja, deep prajwalan aur vandana geet ke saath ki gayi.
Chief guests mein Vikas Khand Shiksha Adhikari L. Uike, Sandipani Higher Secondary School ke Principal Choudhary, aur Government Girls’ Higher Secondary School ki Principal Saiyam upasthit the. Saath hi anya schoolon ke teachers ka bhi svaagat kiya gaya.
10 Dalon ne kiya Pradarshan
Vikas khand ke vibhinna schoolon se aaye 10 teams ke students ne apne–apne models aur experiments prastut kiye.
Bachchon ne bade hi behatar tarike se scientific concepts dikhaye aur samaj mein phele andhvishwason ke khatma ka sandesh diya.
Prashasti Patra aur Puraskar Vitran
Behtareen pradarshan karne wale participants ko certificates aur prizes diye gaye.
Program mein school ke Prabhari Principal Yogendra Singh Thakur, sabhi teachers aur staff upasthit rahe.
Science exhibition ka manch sanchalan Basant Prakash Singh Urvedi aur Geeta Rani dwara kiya gaya.